تكريم الفنانة حبيبة يوسف من المعارض الافتراضية خارج مصر.. لكل لوحة توقيتها؟

Sponserd Ads

كتبت: آية جمال

الفنانة حبيبة يوسف من محافظة القاهرة، طالبه بكلية تربية نوعيه جامعة عين شمس، تبلغ من العمر 21 عامًا، لم يمنعها عدم التحاقها بكلية فنون جميلة أن تحقق حلمها وتطور من موهبتها…

 

حدثينا عن سيرتك الذاتيه؟وكيف اكتشفت موهبتك الفنية؟

أنا أسمي حبيبة يوسف، طالبة في كلية تربية نوعية جامعة عين شمس قسم تكنولوچيا التعليم، اكتشفت موهبتي وأنا صغيرة لأني كنت بحب الرسم جدًا وبدأت أطورها وأنا في إعدادي ولسه بطور منها.

طورتي موهبتك أزاي؟

في الأول كنت بشتغل مع نفسي وبعد كدا حبيت اطور أكتر ف خدت كورسات فيArchitectural perspective and formation وعملت دبلومه في Interior design وحاليا باخد كورسات اونلاين.

ما العقوبات التي واجهتك؟

الارت بلوك لأنه بيفقدلي الشغف والفكر تماما،وكمان مكنتش بلاقي الدعم الكافي ودا كان بيعرضني لضغط بس كنت بعديه بأني أرسم عشان كان بيهديني

من يشجعك علي الرسم؟

أهلي دايما كانوا ومازالوا بيدعموني وخاصة بابا وعندهم ثقة كبيرة فيا وده بيفرحني جدًا.

Sponserd Ads

كم يستغرق من الوقت لرسم لوحة فنية؟

كل لوحة لها توقيتها، يعني في لوحة بتاخد ساعة وفي لوحة تاخد ساعات وأوقات بتاخد أيام فدا بيتوقف علي اللوحة فيها شغل وتفاصيل قد اي.

اي الأدوات والخامات اللي بتستخدميها؟

لو بورتريه رصاص بيبقى أقلام رصاص وأقلام تسيح استيكه فحم وأساتيك بأحجام مختلفة وقلم أبيض

ولو تبلوهات فبستخدم الألوان سواء زيت أو ميه وفرش بأحجام مختلفة.

اي الجو اللي بتحبي ترسمي فيه؟

بحب أرسم في جو هادي جدًا فغالبًا أكتر وقت بشتغل فيه دايمًا بيبقي بليل.

أشتركتي في معارض قبل كدا؟

أيوه دخلت أكتر من معرض افتراضي برا مصر واتكرمت وحصلت علي شهادات من دول مختلفة في المعارض الافتراضية واتعرض عليا أكتر من عرض في كذا معرض جوا مصر بس مستنيه الوقت المناسب.

ما الأهداف التي تطمحي في تحقيقها؟

اتمني اني اقدر اشتغل بكل الخامات وإن لوحي تكون بتتكلم عن نفسها وأن يكون عندي معرض خاص بيا وإني اوصل للمستوي اللي انا عايزاه في graphic design.