” أعبر عن كل شئ بالفن ” سأواصل طريقي لكي أصبح رسامة عالمية هذا ما قالته الفنانة ” زيزي رضا “
Sponserd Ads
كتبت: آية جمال
الفن تعبير عن روح طموحه قد يعجز الغير عن التعبير عما بداخله بمجرد الكلام ولكنني اعبر عن كل شيء بلغه سهله ومفهومه وهي الرسم ولانها موهبتي فانا سأواصل طريقي لكي أصبح رسامه عالميه وهذا ما قالته الفنانة زيزي رضا تعبيرا لحبها للفن، التي تبلغ من العمر 21 عامًا ومن محافظة الدقهلية..
كيف كانت بدايتك مع مشوار الرسم؟وكيف طورتي منها؟
وأنا في ابتدائي كنت دايمًا بحب حصة الرسم وبحب اشخبط علي أي حاجه أشوفها وكنت بحب أرسم كتير اوي وخدت كورسات في اسكندرية اتعلمت منها النسب صح وطريقة التظليل وبقيت برسم تقريبًا كل يوم وجربت خامات كتيره عشان أطور من نفسي.
في شخص معين متبعاه ونفسك توصلي لمستواه في الرسم؟
طبعا دكتور مراد درويش وأما عن المستوي العالمي بابلو بيكاسو.
ما العقوبات التي واجهتك؟
تقريبا مكنش في عقوبات عشان مفيش حد كان بيحبطني، كله كان بيشجعني.
من يشجعك علي الرسم؟
أهلي كانوا ومازالوا بيشجعوني وخطيبي كمان دايمًا بيشجعني ومؤمن بحلمي.
Sponserd Ads
كم يستغرق الوقت لرسم لوحة فنية؟
لو بورتريه صغير بياخد 3 ساعات لكن لو لوحة معرض بتاخد معايا كل يوم 4ساعات لمدة شهر مثلًا.
لوحة رسمتيها وأثرت في حياتك؟
لوحة لنفسي سمتها امرأة مشتعلة، اللوحة دي مشاركة بيها في معرض عزيزي ثيو وتم عرضها يوم 20/3/2022 واللوحة دي بتحكي عن حياتي.
اي أنواع الرسم تفضلي؟
الرسم التشكيلي.
أي الأدوات والخامات اللي بتستخدميها؟
بستخدم أدوات الرصاص، ألوان الفحم،ألوان خشب، ألوان اكليريك،سوفت باستيل، سيتا كلر للرسم علي الملابس.
هل أشتركتي في مسابقات ومعارض من قبل؟
شاركت ف مسابقات ومعارض منهم مسابقه “امنا بتنادي” كانت علي مستوي الدقهليه واخدت مركز اول وشاركه ف معرض “White rose” ف الاسكندريه وكنت من تيم التنظيم ومعرض “عزيزي ثيو” ومعرض “إنك باعيننا” ف القاهره اول معرض يتكلم عن الإسلام وعن الرسول خاصة ومعرض “تجليات فنيه” ف المنصوره ومعرض فلسطين كان اون لاين ومعرض امريكا العالمي بمناسبه الذكري الثانية لامريكا.
