” إيمان محمد ” الرسم يبدأ بموهبة ربانية حتي يصبح شغف دائم

كتبت : آية جمال

إيمان محمد، من محافظة القاهرة، تبلغ من العمر 16 عامًا، اكتشفت موهبتها منذ عامين وعملت علي تنميتها دون مساعدة أحد.

كيف أكتشفت موهبتك الفنية ؟

في أجازة 3 إعدادي كان عندي وقت طويل فاضي فبدأت أرسم و أكتشفت أني بتطور بسرعة و إن الرسم من الحاجات اللي بتفرحني .

ما الصعوبات التي واجهتك في البداية ؟
إني أقنع أهلي إن الرسم مش هيعطلني عن دراستي ولا هيضيع مني وقت.

من قام بتشجيعك علي الرسم ؟

أهلي و بالأخص ماما و بابا كان بيجبلي الأدوات اللي بحتاجها ،و كمان فنانين صحابي كانوا بيشجعوني و يفيدوني جدا .

مين أكتر شخص أستفدتي و أخدتي خبرة منه؟
في ناس كتير أستفدت منها خصوصا الفنان كريم عادل.

أي أنواع الرسم تفضلي ؟

الرصاص و الألوان الخشب

هل لديك طقوس معينه تحبي ترسمي فيها؟
بحب الهدوء و الرسم بليل و أشغل جنبي قرأن حفظاه و أردد معاه.

ما الأهداف التي تطمحي في تحقيقها؟
أني أطور من نفسي أكتر واقدر أفيد اكبر عدد من الفنانين وأن اهلي يكونوا فخورين بيا.