برنامج العلوم الاقتصاديه و الاجتماعيه فى كليه الزراعة

Sponserd Ads

صباح الخير أو مساء الخير عزيزي القارئ 🌼
هتكلم معاكم النهارده عن
برنامج العلوم الاقتصادية والاجتماعية في كليه الزراعة
هو كليه الزراعه فيها قسم اقتصاد؟!
أكيد طبعاً وتعالي مع بعض هنقراء كام سطر هنعرف كل المعلومات اللي تخص برنامج الاقتصاد.

أولاً يا صديقي ده واحد من الاقسام اللى موجودة فى كليات الزراعة وكل الجامعات بتدخله عن طريق تنسيق داخلى داخل الكلية بيتختلف طبعاً من جامعة لأخرى.
هنجي بقاء لنقطه مهمه جداً وهي الكورسات، شوف ي صديقي بنسبه ل المواقع زي مثلاً Allison

Alison اضغط هنا
ده بفلوس وحتى لو مش معاك الفلوس، الكورس مجانى ومش هتاخد شهادة بس هتاخد ورقة شبه الشهادة كدة.
بس ف موقع أفضل منه حبه وهو  موقع Coursera

Coursera من هنا

وده بفلوس بس ممكن تقدم دعم مادى وبكده هيكون كورس فري، وفي كمان منصه Udemy

Udemy اضغط هنا

ده بفلوس بس فى مواقع ع سوشيال ميديا زي التلجرام والفيس بيديك كوبون وبكده هيكون فري.

Sponserd Ads

وفي كمان منصه زي أدراك و رواق رواق من هنا ودول ي صديقي لو حابب تاخد كورسات تخص تحليل البيانات أو الزراعة المائيه أو الزراعة بدون تربة وكتيررر تاني كمان، وكمان مننساش اليوتيوب

ده كله بنسبه ل الأونلاين.
إنما لو عندك اى مركز بحوث زراعية ف دي هيفيدك جداً ف كورسات spss ومجانا أو بسعر مُخفض أو مديرية الزراعة أو نقابه الزراعيين اللي ف محافظتك كله ده هيفيدك ك طالب زراعي وملحوظة كدة عالماشى انزل انشطة طلابية هو فى انشطة بصراحة الناس هتفيدك من خلالها وهتعرف ناس كتير وهتبنى علاقات كتير على حسب دنيتك جوة ولو انت لسة صغير انزل لو فى اخر سنة حاول تشوف انت ناوى على ايه هتشتغل فى ده اجرى عليه فى شباب بيقدرو يعملو كارير شيفت بيغيرو ويشتغلو فى اماكن تانية حاول تسال على دول ولو انت لسة داخل اسال على الخريجين
ونقطه حابب انوه عليها ولازم يكون عندك علم بيها 👌
لازم تكون عارف SPSS/Excel/وعشان يكون عندك علم ي صديقي ف شركات كبيرة شغاله بيه ونادر شوية SAP وفى كورس اسمه Lean six sigma ده فى حزام ابيض واصفر واخضر واسود واعلى منهم بس ياريت تكون واخد لحد الاخضر وده بفلوس ولكن الابيض والاصفر ببلاش وفى كمان شرح ل ع اليوتيوب 6sigma study

وفى ناس بتتعلم R/Python وبتشتغل عمل حر

وفى شباب بيتعلمو المحاسبة فى شباب بياخدو تدريب فى مزارع او مصانع وبيطبوقو الكورسات اللى فى تحليل البيانات من نفسهم وفى شباب بياخدو كورسات فى التسويق الالكترونى.

وثالثاً ودي أخر نقطه هتكلم عنها هي بعض فرص العمل لخريج برنامج العلوم الاقتصادية والاجتماعية:

أولا فرص القطاع الحكومي: 

-معيد بالجامعة
-معيد مراكز البحوث (القومي للبحوث- البحوث الزراعية- بحوث الصحراء… الخ).
– خبير زراعي بوزارة العدل.
– البنوك الزراعية والبنوك التي بها قطاع زراعي.
– مهندس- مرشد- رائد ريفي بالجمعيات الزراعية.
– جمعيات تنمية المجتمع والوحدات الاجتماعية.
– مرشد زراعي بوزارة الزراعة.
– مفتش تموين.
– مهندس تقييم وتسعير بالجهات الرقابية.
– خبير اقتصادي بالرقابة على الصادرات والواردات والحجر الزراعي المصري والجمارك الزراعية.
ثانيًا فرص القطاع غير ال غير حكومي:
-الهيئات التنموية الدولية العاملة في مصر وخارجها (الفاو- البنك الدولي- الإيكاردا- اليونيدو).
– مدير إداري للقطاع الاقتصادي بالمزارع القطاع الخاص والحكومي.
– مدير مشروع لأي قطاع زراعي.
– مدير تخطيط وأخصائي موازنة زراعية لأي مشروع زراعي.
– أخصائي تخطيط وتقييم برامج تنموية لدى الهيئات الدولية والمحلية.
وبكدا نكون عرفنا مع بعض أهم معلومات عن برنامج العلوم الاقتصادية والاجتماعية في كليه الزراعة.
دُمتم بخير

Courseraاضغط هنا
ALISONاضغط هنا
Udemyاضغط هنا
رواق اضغط هنا