10 صفات تميز اصحاب الشخصية الإنطوائية

Sponserd Ads

” إنطوائي مش متوحد ”

كتبت – سلمي قذافي 

كوبايه ليمون بالنعناع وتعال اعرفك عن 10صفات اللي بتميز الإنطوائين :

1-التفكير العميق:واللي بيخليه يفكر بطريقه مختلفه علي مستوي اعمق ويبص للمشكله بنظره مختلفه ودا بيسهله القدره علي النجاح وانه يتفوق في في اي مجال بيدخله خصوصا المجال اللي بيحتاج للتحليل والتركيز.

2-التركيز في التفاصيل: ومش بيدي رأيه في اي موضوع من غير ما يدرسه من كل جوانبه ممكن يكون اكتر شخص هادئ في المكان لكن اكتر واحد عنده قدره علي الملاحظه ومراقبه التفاصيل.

3-الصراحه: مبيحبش المجامله واستخدام الأسلوب المزيف من المجاملات فلو قالك كلمه حلوه صدقها.

4-بيقدر يسمع للي حواليه كويس جدا ويحل المشكله ويقدملك ليها كذا حل مناسب وبطبعنا احنا بنحب للي بيسمعنا أكتر وده سبب من اسباب انجذاب الناس للأنطوائين.

5-دقيق لملاحظته لمشاعر اللي حواليه وبيتعاطف معاهم ويقدر يحط نفسه مكانهم ويحس نفس شعورهم وبيعرف ازاي يتعامل مع عواطفه وانه يقضي وقت في التفكير في سلوكه وفهم دوافعه.

6-متزن التفكير وده بسبب انه بيقضي معظم وقته في التأمل والتفكير لوحده.

7-الغموض: ودي اكتر صفه بتجذب الناس حواليه( لي مش بيتكلم كتير – ياتري مخبي ايه؟ )

Sponserd Ads

وبالرغم من انه قليل الكلام بس لما بيتكلم بيقول عظمه، ودا لأنه بيفكر كويس في اي كلمه قبل ما يقول.

8-الهدوء: بيحب يعيش في عالمه الخاص بعيدا عن الدوشه ودا اللي من خلاله بيقدر يستجمع طاقته ومبيحبش حد يخترق العالم بتاعه فمتجيش تروشن عليه وتقوله مش قاعد معانا ليه يا متوحد.

9-علاقتهم صادقه جدا وبتستمر فترات طويله فـ لو في علاقه مع شخص انطوائي بتستمر الي الابد؟ نعم والي ان تحترق النجوم.

10-ممكن يعرف عنك حاجات انت مش بتاخد بالك منها اصلا فلو بقيت من ضمن اصدقاءه المقربين افتخر لانهم مش بيثقوا في اي حد بسهوله.

بالرغم من انه ممكن يستمتع بالمناسبات الاجتماعية فعلا والأنشطه إلا إنها بتستنزف طاقته وبيبقوا عايزين فتره تانيه للإنعزال عشان يشحنوا طاقتهم.

واخيرا بعد كل المميزات دي عرفنا انه لا مُعقد ولا غريب ولا مكتئب بل في منهم عندوا كاريزما وينفعوا قاده.

و لكن اعتقادنا الخاطئ عن الشخصيه الإنطوائيه خلي معظمالإنطوائين يشككوا في قدراتهم وينعزلوا اكتر ومش هيبقي ساعتها انطوائي بمزاجه بس ملقاش اللي يفهمه ويقدر طبيعته!

لكن مش معني ان الناس مش فاهمين طبيعتك فـ ده مش معناه انك مش كويس او كفايه افتكر انك مميز وسطهم.

مش محتاج تكون منفتح وتهلك نفسك عشان تثبت ليهم العكس دي انماط شخصيه واختلافنا ديما اللي بيكملنا.

ها فكرتك اتغيرت عنهم ولا لسه؟