” آيه انور ” اول فتاة تعمل ضمن فريق مطعم زاكس بسوهاج.
كتبت – روضة عارف
لدينا احلام منذ نعومة اظافرنا، نسرح بخيالنا و نري أنفسنا في ذلك الاماكن التي نحلم بوجودنا فيها، هناك من يري نفسه بعد عام و هو يحتسي فنجان القهوة امام برج إيڤل، و هناك من يري نفسه في سيارته اللامبرچيني، و هناك ” آيه ” التي صارت تحلم سنوات و سنوات بمطعمها الخاص، و لكننا نعلم ان احلامنا تولد بصعوباتها و من يتجاوز صعوباتها هنيئاً له وصوله..
Sponserd Ads
” آيه انور سيد ” 21 عام تدرس بكلية الحقوق، ولدت بمحافظة الاسكندرية، و كأي طفلة مصدر إلهامها كان من فيلم ” الفار الطباخ ” عندما رأت مشهد « الطبخ للجميع » و من هنا إتولد حلمها و شغفها و حبها بالمطبخ، و لكن كانت الصفعه التي صعبت الطريق علي مسار ” آيه “ و هي سافرها و سفر عائلتها و إقامتهم بالصعيد محافظ سوهاج و بالفعل إنتقلوا و اقاموا لمدة عامين و كانت من أصعب الفترات التي مرت علي ” آيه “ بسبب عدم تأقلمها علي المعيشة.
و اثناء تصريحها لـ Egypt Trends قالت « سافرت انا و ماما و احنا لا عندنا سكن ولا اقامة و مش عارفين هنعمل إيه و كأن الدنيا أقسمت انها ما هتوريني يوم حلو بعد ما بيتنا وقع، قعدت الف ع شغل و ادور و ارجع كل يوم مكسورة الخاطر لحد ما أضطريت اشتغل في مكان اغسل في سجاجيد و كانت أجرتي 15 جنيه بيتصرفوا في الاكل و المواصلات قبل ما اوصل بيهم البيت، فضلت عالحال ده ٢٣ يوم كان العائد منهم سلبي و غير مُجزي و إدمرت نفسياً لحد ما لقيت شغل في مطعم كان مهامي فيه امسح الترابيزات و مكنتش نسيت حلمي و بعد محايلات و محاولات كتير اشتغلت مساعد شيف و من هنا بدأت افكر ارجع لحلمي اللي منستهوش رغم كل الظروف »
و الآن اصبحت آيه اول فتاة تعمل في مطاعم زاكس بفرع سوهاج، عندما نشرت لها صورة اثناء اداء عملها و كتبت عليها ” يوم الاب العالمى قولت اقولكم انى انا اب الأسرة لماما واخواتي “
