الحدث الي بنستناه كل سنة فاضل عليه أقل من 24 ساعة
المعرض خلاص هيتم حجز تذاكر دخوله بكرة و عدد الزائرين السنادي بقى محدد يومياً و حجز التذاكر هيبقى إلكتروني
طب إزاي بقى محدد
يعني مثلا مسموح في اليوم دخول 100 ألف زائر فقط.
طيب لو حضرتك اخترت يوم الزيارة الجمعة واكتمل العدد فيه .. إيه اللي هيحصل ‼️
التذكرة هتتحجز عادي لكن لو اليوم ده العدد أكتمل فيه، تاريخ الزيارة هيترحل لليوم اللي بعده، يوم السبت مثلا .. طيب لو يوم السبت مكتمل؟! يبقى هتترحل لليوم اللي بعده وهكذا .. فحاول تحجز بدري وتركز في معادك المكتوب في تذكرة المعرض
طب ازاي أحجز تذكرة حضوري المعرض أون لاين ‼️
1️⃣ هتدخل على الموقع الرسمي: من هنا
2️⃣ هتضغط على “احجز تذكرتك”.
Sponserd Ads
3️⃣ اختر يوم الزيارة، عرفنا اليوم ممكن تلاقيه متغير في التذكرة ليه؟
4️⃣ هتدخل بياناتك الي هتطلب منك بدقة
5️⃣ بمجرد ما تسجل هتوصلك التذكرة على الإيميل ورقم الواتساب.
🔸تقدر تحجز التذكرة إلكترونيا وتختار اليوم اللي هتروح فيه من يوم الثلاثاء الجاي 21 و لازم تتابع الموقع أول مايفتح .. عشان هم قافلين دلوقتي
طبعاً اغلبنا مشغول و في الوقت ده ممكن أصلا عقبال ماتروح تكون الكتب الي انت رايحلها خلصت‼️
و لذلك تقدر تحجز الحاجات اللي أنت عاوزها إلكترونيا من خلال المنصة اللي أنت سجلت عليها، والمنصة بتروح تشتري لك الحاجات دي وتحجزهالك في المعرض لغاية ماتيجي تاخدها براحتك
طب المعرض ممتد لامتى و هيبقى مكانه فين ‼️
هيبقى من 30 يونيو لحد 15 يوليو 2021، في مركز مصر للمعارض والمؤتمرات الدولية بالتجمع الخامس
يالا احجز دلوقتي و منشن أصحابك الي هتاخدهم معاك
